Qazaxıstandan ABŞ-a birbaşa aviareyslər açılacaq
Astana, 31 yanvar, AZƏRTAC
Qazaxıstandan ABŞ-a birbaşa aviareyslərin həyata keçirilməsi üçün Amerika tərəfi ilə razılaşmanın imzalanması planlaşdırılır.
AZƏRTAC xəbər verir ki, Mülki Aviasiya Komitəsi hər iki ölkə arasında "açıq səma" prinsipi ilə hava əlqəsinə dair sazişin imzalanması üzrə işi başa çatdırır.
Keçən il sentyabrın 21-də Vaşinqtonda Qazaxıstan və ABŞ aviasiya orqanları arasında ikitərəfli danışıqlar aparılıb. Hazırda Amerika tərəfi ilə imzalanması planlaşdırılan hava daşımaları üzrə hökumətlərarası sazişin mətninin razılaşdırılması proseduru başa çatmaq üzrədir.
Qeyd edək ki, ölkə Prezidenti Nursultan Nazarbayev Qazaxıstan hava yollarına Yaponiya və Birləşmiş Ştatlara uçuşlar təşkil etməyi tapşırıb.
İlahə Əhmədova
AZƏRTAC-ın xüsusi müxbiri
Astana
Bölmənin digər xəbərləri
