QAZPAYLAYICI STANSİYADA QƏZANIN NƏTİCƏLƏRİ ARADAN QALDIRILDI
Xəbər verildiyi kimi, noyabrın 15-də Qaradağ rayonundakı qazpaylayıcı stansiyada qəza olmuşdur. “Azəriqaz” Qapalı Səhmdar Cəmiyyətindən AZƏRTAC-a bildirmişlər ki, qəzadan dərhal sonra onun nəticələrinin aradan qaldırılmasına başlanılmışdır. Dənizdəki yataqlardan stansiyaya daxil olan təbii qazın Bakı şəhərinə verilməsi noyabrın 16-da müvəqqəti boru kəməri vasitəsilə təmin edilmişdir. Nəticədə həmin gün səhər saat 10 radələrində Yasamal, Nəsimi, Səbail rayonlarına qazın verilməsi bərpa olunmuş, bir qədər sonra isə şəhərin digər rayonları da mavi yanacaq almışdır.
Noyabrın 16-da axşamüstü “Azəriqaz” QSC-dən bildirmişlər ki, qazpaylayıcı stansiyada qəzanın nəticələri əsasən aradan qaldırılmış, Bakı və Sumqayıt şəhərlərinin qazla təmin olunması bərpa edilmişdir.
Qəza ilə əlaqədar yaradılmış komissiya hadisə yerində araşdırma aparır.
Bölmənin digər xəbərləri
