Qəbələdə müharibə veteranları ilə görüş keçirilmişdir
Qəbələ, 10 may (AZƏRTAC). Qəbələ Rayon İcra Hakimiyyətində İkinci Dünya müharibəsi veteranları ilə görüş keçirilmişdir.
AZƏRTAC xəbər verir ki, mayın 9-da keçirilən tədbirdə çıxış edən rayon icra hakimiyyətinin başçısı Səbuhi Abdullayev, Milli Məclisin deputatı Fəttah Heydərov veteranları Qələbə Günü münasibətilə təbrik etmiş, onları cəmiyyətin əziz, hörmətli insanları olduğunu bildirmişlər. Faşizm üzərində qələbənin qazanılmasında müstəsna xidmətləri olan veteranlara bayram münasibətilə qiymətli hədiyyələr təqdim edilmişdir. Bildirilmişdir ki, hazırda Qəbələdə 37 Böyük Vətən müharibəsi veteranı yaşayır.
Mərasim yerli incəsənət ustalarının ifasında musiqi proqramı ilə davam etdirilmişdir.
Bölmənin digər xəbərləri
