QƏRBLƏ ŞƏRQ ARASINDA SUPER İNFORMASİYA MAGİSTRALI LAYİHƏSI HƏYATA KEÇİRİLİR
Rabitə və İnformasiya Texnologiyaları Nazirliyindən AZƏRTAC-a bildirmişlər ki, Qərblə Şərq arasında super informasiya magistralı yaradılması layihəsi həyata keçirilir.
Bu magistral informasiya-kommunikasiya texnologiyalarının (İKT) çox yüksək inkişafına malik olan iki nəhəng regionu - Qərbi Avropanı və Sakit okean hövzəsində olan Şərqi Asiyanı birləşdirəcək magistral üzərində yerləşən, 20-yə yaxın ölkəni əhatə edəcəkdir. Mütəxəssislərin fikrincə, layihənin reallaşması beynəlxalq aləmdə informasiya texnologiyalarının genişmiqyaslı tətbiqinə və ümumiyyətlə regional iqtisadi inkişafa yeni bir təkan verəcəkdir.
Layihə əlverişli coğrafi mövqeyinə, sürətli inkişaf səviyyəsinə və ən başlıcası regionda aparıcı iqtisadi potensiala malik olduğuna görə, ölkəmizdə beynəlxalq kommutasiya mərkəzinin və qlobal informasiya bankının yaradılmasını nəzərdə tutur. Layihənin bu ilin noyabrında ənənəvi beynəlxalq “BakuTel” sərgi və konfrans çərçivəsində ilkin müzakirəsinin təşkili nəzərdə tutulur.
Bölmənin digər xəbərləri
