QƏZANIN NƏTİCƏLƏRİ ARADAN QALDIRILIR
-İlkin məlumatlara görə, hadisə 500 kilovoltluq 2-ci Abşeron hava xəttində baş verib. Qəza Bakıda “Şimal” Elektrik Stansiyasının, İstilik Elektrik Mərkəzinin, həmçinin Rusiyadan Azərbaycana enerji nəql edən Dərbənd-Yaşma xəttinin də açılmasına səbəb olub. Beləliklə, Abşeron enerji qovşağı qısa müddətə enerjisiz qalıb. Həmin anda ölkənin qərb bölğələri Mingəçevir Su Elektrik Stansiyası və Azərbaycan Dövlət Rayon Elektrik Stansiyasından verilən enerji ilə qidalandırılsa da, Abşeron bölgəsində enerji tamamilə itmişdir. Hadisədən təxminən bir saat sonra - 14.15 radələrində 500 kilovoltluq xətti mütəxəssislərimiz yenidən şəbəkəyə qoşa bilmişlər. Bununla da, Bakı şəhərinin həyati əhəmiyyətli obyektlərinə 200 meqovata yaxın enerji verilməyə başlanmışdır. Bundan sonra, ardıcıl olaraq digər istehlakçılara da enerji verilmişdir. Qəza briqalarımız 220 kilovoltluq Mingəçevir xəttini şəbəkəyə qoşmaq ücün tədbirlər görürlər.
Hazırda Azərbaycan DRES-də 4 blok fasiləsiz işləyir, Əli Bayramlıda 3 blok şəbəkəyə qoşulub, 1 nömrəli Bakı, “Şimal” İstilik -Elektrik mərkəzləri normal ahəngdə fəaliyyət göstərir. Yəni Abşeronu qidalandıran elektrik xətləri gərginlik altındadr.
Bölmənin digər xəbərləri
