Qəzvin-Rəşt-Astara-Astara yeni dəmir yolu Azərbaycanın iqtisadi imkanlarını daha da genişləndirəcəkdir
Rəşt, 18 noyabr (AZƏRTAC). Xalqlarımız qədim tarixi tellərlə bir-birinə möhkəm bağlıdırlar. Azərbaycan Respublikası ilə İran İslam Respublikası arasında səmərəli əlaqələr bütün sahələrdə daim inkişaf edir.
Bu fikirləri İranın Gilan vilayətinin rəhbəri Məhəmmədəli Nəcəfi AZƏRTAC-a müsahibəsində söyləmişdir.
“Şimal-Cənub Beynəlxalq nəqliyyat dəhlizində dəmir yolu şəbəkəsinin qurulması Azərbaycana və İrana nə vəd edir” sualına cavabında Məhəmmədəli Nəcəfi demişdir: “Müasir dünyanı dəmir yolu olmadan təsəvvür etmək mümkün deyil. Coğrafi mövqeyi Azərbaycana geniş tranzit imkanları verir. Ona görə də hesab edirəm ki, Qəzvin-Rəşt-Astara (İran) - Astara (Azərbaycan) yeni dəmiryolu Azərbaycan Respublikasının iqtisadi imkanlarını daha da genişləndirəcəkdir. Bu layihənin reallaşması ölkələrimiz və xalqlarımız, eləcə də dəmir yolunun keçəcəyi bölgələrin əhalisi üçün mühüm əhəmiyyət daşıyacaqdır”.
Sabir Şahtaxtı
AZƏRTAC-ın xüsusi müxbiri
Rəşt
Bölmənin digər xəbərləri
