QİÇS/İİV infeksiyası ilə mübarizə çərçivəsində elmi araşdırmalar davam etdirilir
Bakı, 1 dekabr, AZƏRTAC
QİÇS/İİV infeksiyası problemi ilə bağlı mübarizə, o cümlədən bu istiqamətdə elmi araşdırmalar davam etdirilir. Çünki problem hələ də sona qədər həll olunmayıb.
AZƏRTAC xəbər verir ki, bunu Ümumdünya QİÇS-lə Mübarizə Gününə həsr edilmiş dəyirmi masada səhiyyə nazirinin müavini Nadir Zeynalov deyib.
“Digər ölkələrlə müqayisədə bizim ölkəmizdə bu xəstəlik və virus daşıyıcılığı ilə bağlı vəziyyət səhiyyə sahəsinə ağır yük olmayan problem kimi qəbul edilir. Lakin onu da qeyd etmək lazımdır ki, digər ölkələrdə olduğu kimi, Azərbaycanda da bu xəstəlik tibbi problemlərlə yanaşı, sosial problemlər də doğurur. Bu sosial-ictimai problemlər virus daşıyıcıları olan şəxslərin stiqmatizasiyası ilə bağlıdır. Onların cəmiyyət tərəfindən qəbul olunmaması, rədd edilməsi, diskriminasiyaya məruz qalması halları var. Tibbi məsələlər tədricən həll edildikcə bu sosial problemlər ön plana çıxır. Bu sahədə böyük işlər görmək lazımdır”.
Bölmənin digər xəbərləri
