QİÇS-lə mübarizə məqsədilə tətbiq edilən antiretroviral terapiyaya 7778 nəfər cəlb olunub
Bakı, 1 dekabr, AZƏRTAC
Azərbaycanda İİV infeksiyasına ilk yoluxma halı 1987-ci ildə aşkarlanıb.
AZƏRTAC xəbər verir ki, bunu Ümumdünya QİÇS-lə Mübarizə Gününə həsr edilmiş dəyirmi masada Səhiyyə Nazirliyi Respublika QİÇS-lə Mübarizə Mərkəzinin direktoru Famil Məmmədov deyib.
“Hazırda Respublika QİÇS-lə Mübarizə Mərkəzində 8500 nəfər rəsmi qeydiyyatdadır. Onlardan 5903-ü kişi, 2597-si qadındır. QİÇS mərhələsində olan Azərbaycan vətəndaşlarının sayı 1993 nəfər, İİV infeksiyasından dünyasını dəyişən Azərbaycan vətəndaşlarının sayı isə 1237 nəfərdir”.
F.Məmmədov qeyd edib ki, İİV-lə yaşayan insanlara Səhiyyə Nazirliyi tərəfindən profilaktika, müalicə, qulluq və dəstəyin göstərilməsinin təmin olunması işi əvvəlki illərdə olduğu kimi, Respublika QiÇS-lə Mübarizə Mərkəzi tərəfindən davam etdirilir. Belə ki, 2006-cı ildən tətbiq edilən antiretroviral terapiyaya hazırda İİV-lə yaşayan 7778 nəfər cəlb olunub.
Bölmənin digər xəbərləri
