Qırğızıstanda virusa yoluxanların sayı 43 min 358 nəfərdir
Bişkek, 26 avqust, АZƏRTAC
Son 24 saat ərzində Qırğızıstanda COVID-19 koronavirusuna 113 nəfər yoluxub və yoluxanların ümumi sayı 43 min 358 nəfərə çatıb.
AZƏRTAC xəbər verir ki, bu haqda Qırğızıstan Səhiyyə nazirinin müavini Mademin Karatayev Bişkekdə keçirdiyi brifinqdə məlumat verib.
O deyib ki, son sutkada 4, ümumiyyətlə isə 3 min 114 tibb işçisi koronavirusa yoluxub.
Qeyd olunub ki, ki, son sutka ərzində virusdan ölən olmayıb, epidemiya dövründə isə 1059 xəstə bu virusdan dünyasını dəyişib.
Hazırda ölkə üzrə koronavirusa yoluxan 5 min 560 xəstə var. Bunların 925-i xəstəxanalarda, 4 min 635-i isə ambulator şəraitdə müalicə alırlar.
Vurğulanıb ki, ötən gecə Moskvadan Bişkekə 245, Oş şəhərinə 235, Surqutdan Oşa 160, Novosibirskdən isə 148 Qırğızıstan vətəndaşı gətirilib.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
