RABİTƏ MUZEYİ AÇILMIŞDIR
Oktyabrın 8-də Bakıda, Azərbaycan Respublikasının Rabitə Nazirliyində Rabitə Muzeyinin açılışı olmuşdur. Rabitə naziri Nadir Əhmədov mərasimdə çıxış edərək bildirmişdir ki, elmi-texniki tərəqqinin inkişafında mühüm vəsilə olan rabitənin inkişafının tarixi ölkəmizdə ötən yüzilliyin əvvəllərinə gedib çıxır.. O zaman Azərbaycanda neft sənayesi sürətlə inkişaf edirdi. Nazir Azərbaycan rabitəçilərinin bu sahənin inkişafına böyük töhfə verdiklərini də vurğuladı. Hazırda respublikamız bu sahədə bir çox göstəricilərə görə MDB-nin ölkələrindən xeyli irəlidədir.
Muzeydə rabitənin XX əsrin əvvəllərindən bu günədək Azərbaycanda yaranma və inkişaf tarixinə həsr olunmuş fotoekspozisiya açılmışdır. Burada rabitə sahəsində ixtisaslaşmış özəl şirkətlərin də stendləri var.
Bölmənin digər xəbərləri
