Rauf Məmmədov və Qədir Hüseynov Avropa çempionatının medalçıları olmuşlar
Bakı, 18 noyabr (AZƏRTAC). Polşanın paytaxtında başa çatmış Avropa komanda çempionatında ikinci dəfə “qızıl” medal əldə etmək üçün Azərbaycan komandasına Ermənistanla prinsipial, bərabər mübarizə şəraitində keçən matçda dörd heç-heçə də kifayət etmişdir.
AZƏRTAC xəbər verir ki, ilk dəfə Azərbaycan 2009-cu ilin Avropa çempionatında uğur qazanmışdı.
Üç yığma komanda - Fransa, Rusiya və mükafatlardan kənarda qalmış Ermənistan azərbaycanlılardan bir komanda xalı geri qalmışlar. Gürcüstanın yığma komandası bu qrupa qoşulmaq imkanını əldən vermişdir: onun Çexiya ilə oyunu 2:2 hesabı ilə heç-heçə qurtarmışdır.
Azərbaycan qrossmeysterləri arasında turnirdə reytinq-performans üzrə ən yaxşı fərdi nəticələr Rauf Məmmədov və Qədir Hüseynov nümayiş etdirmişlər. R.Məmmədov üçüncü lövhədə bürünc medal qazanmışdır. Bu lövhədə Almaniyadan olan Arkadi Naydiç qızıl medala layiq görülmüşdür. Q.Hüseynov isə 4-cü lövhədə gümüş mükafat qazanmışdır. Burada ən yaxşı fərdi reytinq-performansı polyak Mateuş Bartel göstərmişdir.
Bölmənin digər xəbərləri
