RAZILIQ ƏLDƏ EDİLSƏ BVF AZƏRBAYCANA 18 MİLYON DOLLAR HƏCMİNDƏ NÖVBƏTİ KREDİT TRANŞI AYIRACAQDIR
Beynəlxalq Valyuta Fondunun Bakı nümayəndəliyindən AZƏRTAC-ın müxbirinə verilən məlumata görə, hazırda Azərbaycan hökuməti ilə “Azərbaycanda yoxsulluğun azaldılması və iqtisadi inkişaf üzrə Dövlət Proqramı” çərçivəsində həyata keçirilən tədbirlərin sürətləndirilməsi, ölkədə neft və neft məhsullarının qiymətlərinin artırılması, Azərbaycan Beynəlxalq Bankının (ABB) özəlləşdirilməsi, “Milli Bank haqqında” və “2005-ci ilin dövlət büdcəsi haqqında” qanun layihələrinin ilkin variantı məsələləri ilə bağlı müzakirələr aparılır. Danışıqlarda müəyyən məsələlər üzrə razılıq əldə olunarsa, təxminən avqustun sonlarında fond sözügedən proqram çərçivəsində Azərbaycana 18 milyon dollar həcmində növbəti kredit tranşı ayıracaqdır.
Bölmənin digər xəbərləri
