REPRODUKTİV SAĞLAMLIQ HAQQINDA İCMALIN TƏQDİMATI
Səhiyyə Nazirliyində Azərbaycan qadınlarının reproduktiv sağlamlığı haqqında ilk icmalın təqdimat mərasimi olmuşdur. Tədqiqatlar ABŞ-ın Beynəlxalq İnkişaf Agentliyinin, BMT-nin Əhali Fondunun və Qaçqınların İşləri üzrə Ali Komissarlığının, Amerikanın xəstəlik hallarına nəzarət mərkəzinin maliyyə yardımı və Səhiyyə Nazirliyi, Dövlət Statistika Komitəsi və Mercu Corps, “ADRA” beynəlxalq humanitar təşkilatları mütəxəssislərinin iştirakı ilə aparılmışdır.
2001-ci ildə başlanmış, ölkənin bütün bölgələrində, o cümlədən qaçqınların və məcburi köçkünlərin çadır şəhərciklərində 15-44 yaşlı 7668 qadın və qız arasında sorğular şəklində aparılmış tədqiqatlar Azərbaycan qadınlarında reproduktiv sağlamlıq göstəricilərinin Şərqi Avropa ölkələrindəkinə və keçmiş sovet respublikalarındakına nisbətən aşağı olduğunu aşkara çıxarmışdır.
Sorğular reproduktiv sağlamlıq, kontraseptivlər, cinsi yolla keçən xəstəliklər barədə məlumatın olub-olmaması, uşaqlar arasında ölüm halları, hamiləlik dövründə və doğumdan sonra fəsadlar, ana südü ilə qidalandırma mövzularında keçirilmişdir. İcmalın təşkilatçılarının fikrincə, nəticələrin təhlili reproduktiv sağlamlıq baxımından əhali arasında risq qruplarını üzə çıxarmağa və gələcəkdə tibb proqramları planlaşdırılarkən onlara ilk növbədə yardım göstərilməsinə imkan verəcəkdir.
Bölmənin digər xəbərləri
