RƏŞİD BEHBUDOV ADINA MAHNI TEATRI FESTİVALDA İŞTİRAK EDƏCƏK
Rəşid Behbudov adına Azərbaycan Dövlət Mahnı Teatrının kollektivi Moskvada Müstəqil Dövlətlər Birliyinin üzvü olan ölkələrin folklor festivalında iştirak edəcəkdir. Bu barədə AZƏRTAC-a Mahnı Teatrından xəbər vermişlər.
Festival Olimpiya kəndinin Böyük konsert salonunda keçiriləcəkdir. Festivalın təsdiq olunmuş proqramına görə, Azərbaycan artistləri iki saatlıq konsert verəcəklər. Konsertdə tanınmış ifaçılar Elza Seyidcahan, Bilal Əliyev, Gülyanaq və Gülyaz Məmmədovalar və başqaları iştirak edəcəkdir. Teatrın rəqs kollektivi isə xalq rəqslərindən ibarət geniş repertuar hazırlamışdır.
Bölmənin digər xəbərləri
