Rəsmi Kiyev Bryanskda silahlı hücumu Rusiyanın düşünülmüş təxribatı adlandırıb

02.03.2023 [16:32]
Çap et
A⁺ A^-

Kiyev, 2 mart, AZƏRTAC

Bryansk vilayətində guya Ukrayna diversantlarının silahlı hücumu Rusiyanın düşünülmüş təxribatıdır. İşğalçı ölkə öz partizanlarından qorxmalıdır.

AZƏRTAC xəbər verir ki, bu versiyanı Ukrayna Prezident Ofisinin rəhbərinin müşaviri Mixaylo Podolyak tviter səhifəsində irəli sürüb.

"Rusiya Federasiyasında Ukrayna təxribat qrupunun hekayəsi klassik düşünülmüş təxribatdır. Moskva başqa ölkəyə hücuma və birillik müharibədən sonra yoxsulluğun artmasına haqq qazandırmaq üçün öz xalqını qorxutmaq istəyir. Rusiyada partizan hərəkatı getdikcə güclənir və aqressivləşir. Partizanlarınızdan qorxun”, - Podolyak belə yazıb.

Emil Hüseynli

AZƏRTAC-ın xüsusi müxbiri

Kiyev