RESPUBLİKA BAŞ PROKURORLUĞU MƏTBUAT XİDMƏTİNİN MƏLUMATI
Azərbaycan Respublikası Prezidentinin 2001-ci il 19 iyun tarixli Fərmanı ilə təsdiq edilmiş “Prokurorluğa işə qəbul olunmaq üçün namizədlərlə müsabiqə keçirilməsi qaydaları haqqında” Əsasnaməyə uyğun olaraq prokurorluq orqanlarına ilk dəfə işə qəbul edilmək arzusunda olan şəxslər üçün 60 ştat vahidi üzrə elan edilmiş müsabiqədə iştirak etmək məqsədi ilə 286 şəxsin sənədləri qəbul edilmişdir.
Keçiriləcək test imtahanının yeri, vaxtı barədə əlavə məlumat veriləcəkdir. İmtahan sualları, onların hazırlanmasında istifadə olunmuş qanunlar və digər normativ-hüquqi aktların siyahısı Dövlət Tələbə Qəbulu Komissiyası tərəfindən toplu şəklində satışa buraxılacaqdır.
Əlavə məlumat almaq üçün hər gün saat 9.00-dan 18.00-dək (bazar günlərindən başqa) Bakı şəhəri, N.Rəfibəyli küçəsi 7-də yerləşən Baş Prokurorluğa 92-74-32 və 92-54-10 nömrəli telefonlarla müraciət etmək olar.
Bölmənin digər xəbərləri
