RESPUBLİKADA DABAQ VƏ QARA YARA ƏLEYHİNƏ VAKSİNASİYA BAŞA ÇATDIRILMIŞDIR
Kənd Təsərrüfatı Nazirliyinin epizotiya əleyhinə ekspedisiyasından müxbirimizə bildirmişlər ki, Rusiyadan alınmış 2 milyon 100 min vaksin hesabına respublikanın bütün rayonlarında iribuynuzlu mal-qaranın dabaq və qara yara əleyhinə vaksinasiyası başa çatdırılmışdır. Amma bu vaksin iki ilə qədər immunitet yaradır. Odur ki, nazirlik respublikada dabaq xəstəliyinin uzun müddətə qarşısının alınması məqsədi ilə yeni “Red-1” adlı İspaniya vaksininin alınması üçün Beynəlxalq Epizotiya Bürosu ilə danışıqlar aparır.Ekspedisiya mal-qarada xəstəliyin gizli növünü aşkarlamaq məqsədilə qan analizləri aparılması üçün Beynəlxalq Epizotiya Bürosunun Rusiyadakı nümayəndələrini respublikaya dəvət etmişdir. Bu günlərdə Azərbaycana gələcək əcnəbi mütəxəssislər əsasən sərhəd bölgələrindəki 6 rayonda mal-qaradan analiz üçün qan götürəcəklər.
Bölmənin digər xəbərləri
