Respublikanın çaylarında və transsərhəd çaylarda mövcud vəziyyət açıqlanmışdır
Bakı, 1 aprel (AZƏRTAC). Böyük Qafqazın Quba-Xaçmaz bölgəsi çaylarında sululuq ongünlük normanın 50-170, Kiçik Qafqazın çaylarında 80-140, Lənkəran-Astara bölgəsi çaylarında 10-80, Naxçıvan MR çaylarında isə 20 faizini təşkil edir.
Ekologiya və Təbii Sərvətlər Nazirliyindən AZƏRTAC-a bildirmişlər ki, aprelin 1-də Kür çayının Qıraqkəsəmən məntəqəsində suyun səviyyəsində 8 santimetr artım qeydə alınmışdır. Hazırda məntəqədə su sərfi 280 m3/s olmaqla, ongünlük normanın 60 faizini təşkil edir. 2012-ci ildə isə bu rəqəm bir qədər az olmaqla 192 m3/s və ongünlük normanın 41 faizini təşkil etmişdir.
Qanıx çayının Əyriçay məntəqəsində suyun səviyyəsində 2 santimetr azalma müşahidə olunmuşdur. Hazırda məntəqədə su sərfi 123 m3/s olmaqla, ongünlük normanın 89 faizini təşkil edir. 2012-ci ildə bu göstərici bu il ilə müqayisədə bir qədər az olmaqla 102 m3/s təşkil etmiş və ongünlük normanın 74 faizinə bərabər olmuşdur.
Kür çayının aşağı axınında suyun səviyyəsində əsasən artım müşahidə olunmuşdur. Belə ki, Kür çayının Surra məntəqəsində suyun səviyyəsində 5 santimetr, Şirvanda 14 santimetr, Araz çayının Novruzlu məntəqəsində 22 santimetr artım, Bankədə 7 santimetr, Salyanda isə suyun səviyyəsində 4 santimetr azalma qeydə alınmışdır.
Hazırda Surra məntəqəsində suyun səviyyəsi 356 santimetr, Şirvanda 208 santimetr, Salyanda 146 santimetr, Bankədə 196 santimetr, Araz çayının Novruzlu məntəqədə isə 107 santimetr təşkil edir.
Bölmənin digər xəbərləri
