RƏSSAMLARIMIZIN XATİRƏSİNƏ HƏSR EDİLMİŞ SƏRGİ
Vəcihə Səmədova adına sərgi salonunda “Rəssamın xatirəsi” silsiləsindən mərhum rəssamlarımızın əsərlərindən ibarət sərgi açılmışdır.
Rəssamlar İttifaqının təşəbbüsü ilə təşkil edilmiş sərgidə Azərbaycan təsviri sənətinin inkişafında xüsusi xidmətləri olan 16 rəssamın müxtəlif janrlarda 60-a yaxın əsəri nümayiş etdirilir.
İttifaqın iİdarə heyətinin sədri Fərhad Xəlilov, xalq rəssamları Böyükağa Mirzəzadə, Ömər Eldarov və başqaları açılış mərasimində çıxış edərək, tədbirin mənəvi-tərbiyəvi əhəmiyyətini vurğulamış, habelə Azərbaycan rəssamlıq məktəbinin beynəlxalq aləmdə tanınmasında fırça ustalarımızın xidmətlərini vurgulamışlar.
Sərgi mayın 20-dək davam edəcəkdir.
Bölmənin digər xəbərləri
