Riqada rusdilli təhsilin ləğvinə qarşı etiraz aksiyası keçirilib
Riqa, 6 oktyabr, AZƏRTAC
Latviyanın paytaxtında ölkədə rusdilli təhsilin ləğvinə qarşı etiraz aksiyası keçirilib.
AZƏRTAC xəbər verir ki, 900 nəfərin qatıldığı aksiya iştirakçıları Nazirlər Kabinetinə doğru yürüş təşkil ediblər. Latviya Rus İttifaqının təşkilatçılığı ilə keçirilən aksiyada iştirakçılar latış, rus və ingilis dillərində “Rus uşaqlara ana dilində təhsil!” şüarı ilə çıxış ediblər.
Xatırladaq ki, sentyabr ayında hökumət bütün Latviya bağçalarında tədris dilinin latış dili olmasını təmin edən qanunu qəbul edib. Gələcəkdə eyni qaydanın təhsilin bütün pillələrinə aid ediləcəyi də bildirilib.
Aygün Əliyeva
AZƏRTAC-ın xüsusi müxbiri
Riqa
Bölmənin digər xəbərləri
