Ross Braun Çin Qran-Prisi üzrə qərarın qəbulu üçün son müddət təyin edib
Bakı, 7 fevral, AZƏRTAC
Formula 1-in idman direktoru Ross Braun Çin Qran-Prisi üzrə qərarın hansı tarixədək təsdiqlənməsinin vacibliyi barədə danışıb. Xatırladaq ki, Formula 1 çempionatının aprelin 19-na planlaşdırılmış Şanxay mərhələsinin başqa tarixə keçirilməsi ehtimalı var. Çünki koronavirus səbəbindən ölkədə idman tədbirləri kütləvi şəkildə ləğv edilir.
AZƏRTAC xəbər verir ki, BBC Braunun sözlərindən sitat gətirir: “Son möhlət var və onlar logistika ilə şərtləndirilib. Bunlardan biri yaxın həftədə başa çatacaq. Söhbət dəniz yükünün yollanması tarixindən, yanacağın nə vaxt göndərilməsindən və buna bənzər məsələlərdən gedir. Lakin qorxulu heç nə yoxdur. Biz yükü göndərəcəyik, sonra isə gəmini geri yollamaq lazım gələcək.
Başqa bir tarix də var. Həmin müddətədək insanları Şanxaya göndərmək lazımdır ki, onların hər şeyi hazırlamağa vaxtları çatsın. Bu, iki və ya üç həftədən sonra baş verəcək və həlledici an olacaq”.
Bölmənin digər xəbərləri
