Rostovda silsilə qətllər törətmiş erməni əsilli David Sarabaşyanın məhkəməsi başlayır
Moskva, 7 fevral, AZƏRTAC
Rusiyanın Rostov şəhərində silsilə qətllər törətmiş erməni əsilli hərbi qulluqçu David Sarabaşyanın məhkəməsi başlayır.
AZƏRTAC xəbər verir ki, David Sarabaşyan 5 nəfəri, o cümlədən 16 yaşlı qızı zorlayaraq öldürməkdə təqsirli bilinir.
Rusiya İstintaq Komitəsi regional bölməsinin məlumatına görə, hərbçi olan 37 yaşlı Sarabaşyan 2018-ci ildə 25 yaşlı Marqarita Kuzminanı zorladıqdan sonra izi itirmək üçün onu boğaraq qətlə yetirib. Bu hadisə araşdırılarkən Sarabaşyanın 2000-ci ildə daha iki qadını kəməri ilə boğmağa cəhd göstərərək huşsuz hala gətirdiyi və sonradan zorlayaraq öldürdüyü məlum olub. Onun 2001-ci və 2003-cü illərdə də Rostovda 16 yaşlı qızı və 41 yaşlı qadını öldürməsi barədə faktlar üzə çıxıb.
Manyak Sarabaşyan 2015-ci ildə 29 yaşlı qadına basqın etsə də, qadının müqavimət göstərməsi nəticəsində çirkin əməlini həyata keçirə bilməyib və hadisə yerindən qaçıb.
Məhkəmə-psixi ekspertizanın nəticələri Sarabaşyanın heç bir psixi pozğunluqdan əziyyət çəkmədiyini müəyyən edib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
