RÖVNƏQ ABDULLAYEV: MƏN XARİCDƏN HAKİMLƏRİN DƏVƏT OLUNMASININ ƏLEYHİNƏYƏM
AFFA prezidenti Rövnəq Abdullayev Azərbaycan Premyer Liqasının oyunlarını idarə etmək üçün xaricdən hakimlərin dəvət olunmasına etirazını bildirmişdir.
Dekabrın 23-də AFFA-da mətbuat konfransında R.Abdullayev AFFA-ya rəhbərlik etdiyi dövrdən ən birinci vəzifə kimi hakimlikdə şəffaflığın təmin olunması üçün çalışdığını söyləmişdir. “Hesab edirəm ki, son dövrlərdə Azərbaycanın futbol hakimləri inkişafa nail olmuşlar. Mən yerli oyunları idarə etmək üçün xaricdən hakimlərin dəvət olunmasının əleyhinəyəm. Biz öz kadrlarımızı yetişdirməliyik”.
AFFA prezidenti hakimlərin təcrübəsini artırmaq məqsədi ilə Antalyada təlim-məşq toplanışı keçiriləcəyini söyləmişdir.
Bölmənin digər xəbərləri
