R.PRODİ TURKİYƏNİN AVROPA BİRLİYİNƏ QƏBUL EDİLMƏSİ BARƏDƏ

21.09.2004 [19:03]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Avropa Komissiyasının sədri Romano Prodi Yerevanın Avropa Regional Universitetinin tələbə və müəllimləri ilə görüşündə Türkiyənin Avropa Birliyinə qəbulu məsələsinə də toxunmuşdur. O demişdir: “Biz Türkiyənin Kopenhagen meyarlarına uyğun gəlib-gəlmədiyi barədə məruzəni hələ müzakirə etməliyik. Sənədin müzakirə edilməsi hələ bu məsələnin müsbət həll olunacağı demək deyildir”.

R.Prodi bildirmişdir ki, oktyabrın 6-da təqdim olunacaq sənəd öyrənildikdən sonra Avropa Birliyinə üzv dövlətlər Türkiyənin bu təşkilata qəbul edilib-edilməməsi məsələsinə dair onunla danışıqlara başlayıb-başlamamaq haqqında qərar çıxaracaqlar.

Avropa Komissiyasının sədri ermənilərin “soyqırım”ının tanınması barədə suala cavab verərək xatırlatmışdır ki, Fransa ilə Almaniya arasında da onların bütün tarixi ərzində gərginliklər, müharibələr olmuş, qanlar tökülmüşdür, lakin indi bu dövlətlər fəal əməkdaşlıq edirlər. R.Prodi demişdir: “Avropada başqa qanunlar var, Avropaya qoşulmaq üçün özünü müəyyən edilmiş qaydada aparmaq lazımdır”.

R.PRODİ TURKİYƏNİN AVROPA BİRLİYİNƏ QƏBUL EDİLMƏSİ BARƏDƏ

MÜƏLLİFLƏ ƏLAQƏ

Bölmənin digər xəbərləri