Rumıniyanın “Eurovision-2011”-dəki təmsilçiləri Azərbaycanı favoritlər arasında görürlər
Bakı, 14 may (AZƏRTAC). Rumıniyanı “Eurovision-2011” müsabiqəsində təmsil edən “Hotel FM”-in üzvü David Bryan bildirmişdir ki, Azərbaycan favoritlərimiz arasındadır və yüksək nəticə əldə edəcəyinə hamı kimi, biz də inanırıq. Əslində Eldar və Nigarın oxuduqları mahnı bu müsabiqə formatına tam uyğundur. Səhnədə həm gözəl qız, həm də yaraşıqlı oğlan görürük və onların məhəbbət balladası insanın ürəyini fəth edir.
Rumıniya təmsilçisi finalın nəticələrinin də yarımfinallar kimi sürpriz olacağını deyərək bildirmişdir ki, bütün mahnılar yaxşıdır və hər bir ölkənin bərabər şansı vardır. Biz də bütün təmsilçilər kimi qalib olmaq istəyirik və bunu özümüzə layiq bilirik. Ən çox sevdiyimiz mahnılar isə Fransa, Avstriya və İrlandiya təmsilçilərinindir. Bu sırada Azərbaycan da vardır və artıq özümüz üçün beşliyi müəyyənləşdirmişik.
Bölmənin digər xəbərləri
