RUSİYA 1140 NƏFƏRDƏN ÇOX GÜRCÜSTAN VƏTƏNDAŞINI DEPORTASİYA ETMİŞDİR
AZƏRTAC-ın xüsusi müxbirinin verdiyi xəbərə görə, Gürcüstan parlamentinin Rusiya Federasiyasından gürcülərin deportasiyası məsələsini öyrənən müvəqqəti istintaq komissiyasının sədri Nika Qvaraniya bildirmişdir ki, sentyabrın axırlarından indiyədək qonşu ölkədən 1140 gürcü çıxarılmışdır. Komissiya sədri demişdir ki, Rusiya məhkəmələri ümumən 2598 Gürcüstan vətəndaşının deportasiyasına dair qərar çıxarmışdır. Vətənə qayıdanlara qarşı Rusiyada qeyri-humanist hərəkətlərə yol verilmiş, onların ləyaqətləri tapdalanmışdır.
Gürcüstan parlamentinin sədri Nino Burcanadze gələn həftə Sankt-Peterburqa səfəri zamanı bu biabırçı faktlarla əlaqədar müzakirələr aparacağını bildirmiş, MDB-nin faktla bağlı heç bir reaksiya vermədiyindən gileylənmişdir.
Bölmənin digər xəbərləri
