RUSİYA FEDERASİYA ŞURASININ SƏDRİ ÖZBƏKİSTANDA SƏFƏRDƏ OLMUŞDUR
Özbəkistan Prezidenti İslam Kərimovun Sergey Mironovla görüşündə ötən ilin noyabrında Moskvada Rusiya ilə Özbəkistan arasında imzalanmış müttəfiqlik münasibətləri haqqında Müqavilənin iki ölkə arasında əlaqələrin dərinləşdirilməsi istiqamətində yeni imkanlar açdığı xüsusi qeyd edilmişdir. Siyasi, ticarət-iqtisadi, hərbi və hərbi-texniki, humanitar sahələrdə əməkdaşlıq inkişaf etmiş, son beş ayda Özbəkistana Rusiyadan 14 rəsmi nümayəndə heyəti gəlmişdir ki, bunun da dördü parlamentin payına düşür.
Tərəflər iki ölkə parlamentləri arasında əlaqələrin dərinləşdirilməsi, qanunvericiliklə əlaqədar təcrübə və informasiya mübadiləsinin aparılması, beynəlxalq siyasətin aktual məsələləri ilə bağlı müntəzəm məsləhətləşmələrin keçirilməsi istiqamətində fikir mübadiləsi etmişlər.
Sergey Mironov Özbəkistan parlamentinin yuxarı palatası - Senatın sədri İlqizar Sabirovla da görüşmüş, əməkdaşlıq haqqında saziş imzalanmışdır.
Bölmənin digər xəbərləri
