RUSİYA MƏRKƏZİ BANKININ SƏDRİ VİKTOR GERAŞŞENKONUN ÇIXIŞI
-Hörmətli Heydər Əliyeviç!
Hörmətli həmkarlar, xanımlar və cənablar!
Moskvada Azərbaycan Beynəlxalq Bankının şöbəsinin açılışı kimi vacib mərasimdə iştirak etməkdən böyük məmnunluq duyuram. Beynəlxalq Bank Azərbaycanın ən iri bankıdır. Onun bütün fəaliyyəti ölkənin iqtisadi potensialının inkişafına, Rusiya da daxil olmaqla, digər dövlətlərlə ticarət-iqtisadi əlaqələrin genişlənməsinə kömək etməyə yönəlmişdir. Bu şöbənin açılışı barədə qərar bankın səhmdarları tərəfindən qəbul edilmişdir və hər iki tərəf çalışmışdır ki, o, fəaliyyətə mümkün qədər tez başlaya və təbiidir ki, öz səhmdarlarına, müştərilərinə, ölkəsinə xeyir verməsi və Azərbaycanla Rusiya arasında ticarət-iqtisadi əlaqələrin inkişafına fayda gətirsin. Köməyinizə və diqqətinizə görə sağ olun.
X X X
Mərasimin gedişində bank ilk əməliyyatını həyata keçirdi. “Azərbaycan Hava Yolları” Dövlət Konserninin hesabına pul köçürüldü və onun daxil olması barədə cavab alındı. Moskvadan Bakıya köçürülmüş ilk pul məbləği barədə respublikamızın rəhbəri Heydər Əliyevə məlumat verildi.
Bölmənin digər xəbərləri
