RUSİYA POLİOMİELİTİN LƏĞV EDİLMƏSİNƏ 10 MİLYON DOLLAR AYIRMIŞDIR
Rusiya poliomielitin ləğv edilməsi üzrə Qlobal Təşəbbüsün büdcəsinə 2006-2007-ci illərdə 6 milyon, növbəti ildə isə 4 milyon dollar köçürəcəkdir.
Agentliyin müxbirinə hökumətdə bildirmişlər ki, poliomielitin dünya miqyasında ləğv edilməsi 2002-ci ildə Kananaskisdə keçirilən zirvə toplantısından başlayaraq, “Səkkizlər qrupu”nun uzunmüddətli məqsədidir. Poliomieliti ləğv etmək çağırışı “böyük səkkizliyin” Sankt-Peterburqda keçiriləcək zirvə toplantısının yekun sənədlərinin layihələrinə də daxildir.
Bütün dünyada poliomielitin tamamilə ləğv edilməsi haqqında qərar 1988-ci ildə Ümumdünya Səhiyyə Assambleyasında qəbul olunmuşdur. “Böyük səkkizlik” ölkələri bu xəstəliyin kökünün kəsilməsinə 2,3 milyard dollardan artıq vəsait ayırmışlar.
Bölmənin digər xəbərləri
