RUSİYA PREZİDENTİNİN XÜSUSİ NÜMAYƏNDƏSİ TEHRANDA XƏZƏR PROBLEMLƏRİNƏ DAİR DANIŞIQLAR APARMIŞDIR

08.12.2003 [18:14]
Çap et
A⁺ A^-

AZƏRTAC-ın Tehrandan aldığı xəbərə görə, Rusiya Prezidentinin xüsusi nümayəndəsi Viktor Kalyujnı Xəzər dənizinin hüquqi statusuna dair Konvensiyanın hazırlanması üzrə xüsusi işçi qrupunun iclasının başlanması ərəfəsində İTAR-TASS-ın müxbiri ilə söhbətində bildirmişdir ki, beş sahilyanı ölkənin Xəzər problemləri barədə danışıqlarında tərəqqi göz qabağındadır. Belə ki, Xəzərin hüquqi statusuna dair Konvensiyanın birləşdirilmiş layihəsini hazırlamaq mümkün olmuşdur. Onun mətninin təxminən 60 faizi artıq razılaşdırılıbdır.

AZƏRTAC-ın Tehrandan aldığı xəbərdə deyilir ki, beş Xəzəryanı dövlətin – Azərbaycan, İran, Qazaxıstan, Rusiya və Türkmənistan nümayəndələrinin dekabrın 9-10-da keçiriləcək görüşündə Konvensiyanın müddəalarının hazırlanması, gəmiçilik, balıqçılıq, ətraf mühitin mühafizəsi, dəniz sərhədlərinin müəyyən edilməsi və təhlükəsizliklə bağlı məsələlər müzakirə olunacaqdır.

RUSİYA PREZİDENTİNİN XÜSUSİ NÜMAYƏNDƏSİ TEHRANDA XƏZƏR PROBLEMLƏRİNƏ DAİR DANIŞIQLAR APARMIŞDIR

MÜƏLLİFLƏ ƏLAQƏ

Bölmənin digər xəbərləri