RUSİYA VƏ TÜRKİYƏ QAFQAZDA VƏZİYYƏTİ SABİTLƏŞDİRMƏK ÜÇÜN ÖZ TƏDBİRLƏRİNİ RAZILAŞDIRACAQLAR
Türkiyədə səfərdə olan Rusiya xarici işlər nazirinin müavini Sergey Razov dekabrın 10-da Moskvaya yola düşməzdən əvvəl jurnalistlərə bildirmişdir ki, Rusiya və Türkiyə “Qafqazda, o cümlədən Gürcüstanda vəziyyəti sabitləşdirmək üçün paralel fəaliyyət göstərəcək və öz tədbirlərini razılaşdıracaqlar. Ölkələrimiz hazırda radikal hadisələr baş verən Qafqaz regionunda sülhün qorunub saxlanmasında və möhkəmlənməsində maraqlıdırlar”.
AZƏRTAC-ın müxbiri Ankaradan xəbər verir ki, bir gün əvvəl S.Razov Türkiyə Baş nazirinin müavini, xarici işlər naziri Abdullah Gül ilə görüşmüşdür. Danışıqlarda tərəflər Rusiya-Türkiyə münasibətlərini, Qafqaz regionunda, o cümlədən Gürcüstanda vəziyyəti müzakirə etmişlər.
Bölmənin digər xəbərləri
