RUSİYA XİN ESTONİYAYA XƏBƏRDARLIQ EDİR
Bəyanatda deyilir ki, birinci oxunuşda qəbul edilən qanun, ilk növbədə, Tallinndəki Xilaskar döyüşçü abidəsinin sökülməsinə yönəldilmişdir.
Rusiya XİN nəzərə çarpdırır: “Bu təhqiramiz niyyətin həyata keçirilməsinin Rusiya ilə münasibətlər üçün nə kimi siyasi nəticələrə gətirib çıxaracağını Tallinndə başa düşməlidirlər”.
Rusiya XİN bu qanuna “beynəlxalq birliyin müvafiq reaksiya verəcəyinə və bunun Estoniya rəhbərliyinin qəbul etdiyi qərara təsir göstərə biləcəyinə” də ümid bəsləyir.
Xatırladaq ki, noyabrın 9-da Estoniya parlamenti “ədavəti qızışdıran və Estoniyanı işğal etmiş dövlətləri ucaldan” monumental sənət abidələrinin qoyulmasına qadağa nəzərdə tutulan qanun qəbul etmişdir. Qanunda artıq mövcud olan bu cür abidələrin ləğv edilməsi də nəzərdə tutulur.
Bölmənin digər xəbərləri
