RUSİYADA ƏHALİNİN SİYAHIYAALINMASININ İLKİN YEKUNLARI
Rusiya Federasiyası Dövlət Statistika Komitəsinin əhalinin siyahıya alınmasının ən ilk yekunlarına əsasən verdiyi məlumata görə, ölkənin əhalisi 143,3 milyon nəfərdən artıqdır. Bunu İTAR-TASS-ın müxbirinə Dövlətstatkomun idarə rəisi İrina Zbarskaya bildirmişdir. Onun dediyinə görə, bu rəqəm “statistiklərin cari hesablamalarına yaxındır”.
O bildirmişdir ki, hazırda siyahıyaalma anketləri əl ilə hesablanır və kodlaşdırılır. Siyahıyaalmanın gedişində toplanmış məlumatların avtomatlaşdırılmış təhlilinə 2003-cü ildə başlancaq və bu, il ərzində davam edəcəkdir.
İ.Zbarskayanın dediyinə görə, Moskva, Sankt-Peterburq, Rostov-Don və Volqoqrad “milyonçu şəhər” statusunu qoruyub saxlamışdır. Belə ki, paytaxtda daimi olaraq 10 milyondan çox adam yaşayır, gəlmələr nəzərə alınmaqla, şəhərin əhalisi təxminən 12 milyon nəfərə çatır.
Bölmənin digər xəbərləri
