Rusiyadakı hər üç cinayətdən biri Moskva və onun vilayətlərində baş verir
Bakı, 7 avqust, AZƏRTAC
2021-ci ilin birinci yarısında miqrantlar tərəfindən törədilən cinayətlərin əksəriyyəti - təxminən hər üçündən biri Moskva və Moskva vilayətində baş verib.
AZƏRTAC xəbər verir ki, bunu Rusiya Baş Prokurorluğunun rəsmi statistik məlumatları təsdiq edir.
Əcnəbilər və vətəndaşlığı olmayan şəxslər yalnız 2021-ci ilin altı ayı ərzində Rusiyada 18 min 843 cinayət törədiblər ki, bunlardan 3615-i Moskvada, 2888-i Moskva vilayətində baş verib. 1860 cinayətin törədildiyi Sankt-Peterburq şəhəri ilk üçlüyü bağlayır.
Baş Prokurorluğun məlumatına görə, ötən ilin birinci yarısı ilə müqayisədə Rusiyada miqrantlar arasında cinayət 4,8 faiz artıb.
Qeyd olunur ki, xarici vətəndaşlar tərəfindən törədilən cinayətlərin üçdə birindən çoxu - 7,1 mini mülkiyyət əleyhinədirsə, hər səkkizincisi - 2,3 mini narkotik ticarəti ilə bağlı olub.
Bölmənin digər xəbərləri
