RUSİYANIN MƏKTƏB DƏRSLİKLƏRİ SƏHVLƏRLƏ DOLUDUR
Qəzet yazır: “Bəzi dərsliklərdə elə səhvlər var ki, alimlər materialı öyrənərkən uğunub getmişlər”. REA-nın əməkdaşı Sergey Sidorenko demişdir: “Biz təkcə riyaziyyat dərsliyində yüzdən artıq səhv tapdıq. Bir misal çəkim. Burada həll edilmək üçün təklif olunan məsələnin heç bir mənası yoxdur. Məsələlərin axırıncı səhifələrdə verilən cavabları səhvdir. Coğrafiya, biologiya, ədəbiyyat və hətta rus dili dərsliklərində səhvlərin sayı-hesabı yoxdur”.
Qəzet haqlı olaraq soruşur: Nə üçün hər cür səhv və təhrifləri vaxtında görməmişlər?
Təhsil və Elm Nazirliyinin tədris ədəbiyyatı şöbəsinin rəisi Svetlana Teterina bunu belə izah edir: “Məktəb dərslikləri yazan müəlliflər və onların keyfiyyətini qiymətləndirə bilən mütəxəssislər azdır. Odur ki, hamı bir-birini tanıyır. Bəzən elə olmuşdur ki, dərslik müəllifinin işinə resenziya vermək onun pedaqoji institutun kafedrası üzrə həmkarına təklif edilmişdir. İndi məktəb kitablarına Elmlər Akademiyasının və Təhsil Akademiyasının alimlərindən ibarət bütöv bir heyət kollegial surətdə baxacaqdır”.
Sonda qəzet “ağıllı kitabçalar”dan bəzi cəfəngiyatları misal göstərir.
Fizika dərsliyindən: “Yer üzündə maye çox vaxt hansısa qablarda olur”. “Mayenin və qazın dəfələrlə hərəkətinə misal: insan orqanlarında qanın hərəkəti və neft kəmərlərində neftin hərəkəti”. Coğrafiya dərsliyi: “Hindistan qitədir (halbuki o, Avrasiya qitəsində ölkədir). Biologiya dərsliyi: “Bədəniniz passiv olduqda, ruhunuz yaşamaqda davam edir. Ruh bəzən çox gərgin olur”. “Alkoqoldan həddən artıq istifadə xüsusilə zərərlidir. Alkoqol böyrəkləri sıradan çıxarır”.
Bölmənin digər xəbərləri
