Sabirabadda internet radio fəaliyyətə başlamışdır
Bakı, 11 may (AZƏRTAC). Ulu öndər Heydər Əliyevin doğum gününün qeyd edildiyi bir vaxtda Sabirabadda ilk online radio fəaliyyətə başlamışdır.
Sabirabad Rayon Gənclər və İdman İdarəsi, “İrəli” İctimai Birliyi (İB) və “ZMS” şirkətinin dəstəyi ilə yaradılan radionun ilk verilişi ümummilli liderin həyat və fəaliyyətinə həsr olunmuşdur.
“İrəli” İB-nin mətbuat xidmətindən AZƏRTAC-a bildirmişlər ki, məqsəd rayon gənclərini ölkədə və dünyada gedən proseslərlə tanış etmək, “2011-2015-ci illər Azərbaycan Gəncliyi Dövlət Proqramı” çərçivəsində onların informasiya-texnologiya sahəsində biliklərini artırmaqdır.
Bölmənin digər xəbərləri
