SABİRABADIN CAVAD KƏNDİNİN MELİORASİYA-İRRİQASİYA QURĞULARI YENİDƏN QURULUR
Sabirabad rayonunun Cavad kəndinin meliorasiya-irriqasiya qurğuları Dünya Bankının yardımı ilə yenidən qurulur. Bu beynəlxalq maliyyə qurumunun vəsaiti hesabına “Meliorasiya və Su Təsərrüfatı” Açıq Səhmdar Cəmiyyətinin sifarişi ilə 1,1 milyon manatlıq meliorativ tədbirlər görülməsi nəzərdə tutulur. Podratçı təşkilat olan “Teymur” Məhdud Məsuliyyətli Cəmiyyəti qısa müddətdə planlaşdırılan işlərin 20 faizini yerinə yetirmişdir.
Rayon icra hakimiyyətinin aqrar məsələlər şöbəsindən AZƏRTAC-a bildirmişlər ki, layihənin gələn ilin ortalarınadək tam həcmdə həyata keçirilməsi kəndin əhatəsindəki 2 min hektardan çox torpaq sahəsinin suvarma imkanlarının genişləndirilməsinə, münbitliyinin qorunmasına şərait yaradacaqdır.
Bölmənin digər xəbərləri
