SABUNÇU RAYONUNDA AĞIR YOL-NƏQLİYYAT QƏZASI BAŞ VERMİŞDİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Sabunçu rayonunun Bakıxanov qəsəbəsində, qəsəbə sakini Ruslan Əsgərov idarə etdiyi “VAZ-2107” markalı avtomaşınla həmyerliləri Zaur və Səkinə İbrahimov qardaş-bacılarını, Aidə Əzizovanı və bacısı Sevinci vurmuşdur. Nəticədə Sevinc hadisə yerində ölmüş, xəsarət almış 3 piyada xəstəxanaya yerləşdirilmişdir.
Nizami rayonunun ərazisində, Q.Qarayev prospektində Tovuz rayon sakini Firdovsi Nəsirov idarə etdiyi “KamAZ” markalı avtomaşınla Bakıxanov qəsəbəsinin sakini Fil Vladislav Konstantinoviçi vurmuş, nəticədə piyada ölmüşdür.
İmişlidə isə Saatlı rayon sakini Atakişi Əliyev sürdüyü “VAZ-21074” markalı avtomobili yol kənarındakı ağaca vurmuşdur. Xəsarət almış A.Vəliyev və sərnişin, Saatlı rayon sakini Firudin Hüseynov xəstəxanaya yerləşdirilmişdir. F.Hüseynov aldığı yaralardan keçinmişdir.
Hadisələrlə bağlı cinayət işi açılmışdır, təhqiqatlar aparılır.
Bölmənin digər xəbərləri
