Sahibkar banka verdiyi ödəniş tapşırığında hansı məlumatları qeyd etməlidir?
Bakı, 13 iyul, AZƏRTAC
Kənd təsərrüfatı məhsullarının pərakəndə satışı ilə məşğul olan fərdi sahibkar həmin məhsulları topdansatış qaydasında digər vergi ödəyicilərindən alaraq ödənişləri nağdsız qaydada aparır. Bu zaman sahibkar banka verdiyi ödəniş tapşırığında hansı məlumatları qeyd etməlidir?
AZƏRTAC Dövlət Vergi Xidmətinə istinadla xəbər verir ki, Vergi Məcəlləsinə 2022-ci ilin yanvarın 1-dən edilmiş dəyişikliyə əsasən, vergiödəyicisi olan şəxslər arasında Vergi Məcəlləsində göstərilən əməliyyatlar üzrə ödəniş aparılarkən əməliyyatı həyata keçirən banka və ya bank əməliyyatlarını aparan digər şəxslərə təqdim edilən ödəniş tapşırığında elektron qaimə-fakturanın seriya və nömrəsi göstərilir.
Bundan başqa, təqvim ayı ərzində eyni vergiödəyicisindən müntəzəm və daimi əsaslarda alınan və elektron qaimə-fakturalar ilə rəsmiləşdirilən mallara (işlərə, xidmətlərə) görə ödəniş aparılarkən, belə əməliyyatlar üzrə tərəflər arasında bağlanmış müqavilə və ya həmin müqaviləyə əlavənin tarixi və nömrəsi barədə məlumatlar da əks etdirilir.
Bölmənin digər xəbərləri
