ŞAHİN İMRANOV: ALDIĞIM ZƏDƏ YARIMFİNALDA UĞURLU ÇIXIŞIMA MANE OLDU
Pekin Olimpiadasının bürünc medalçısı boksçumuz Şahin İmranov keçirtdiyi oyunlar haqqında təəssüratlarını AZƏRTAC-ın müxbiri ilə bölüşmüşdür.
-Üç döyüşü qələbə ilə başa vurmuşdum. Təəssüf ki, aldığım zədə yarımfinalda uğurlu çıxışıma mane oldu. Fransız rəqibim Hedafi Belkurla döyüşə fəal başlasam da ikinci raundun sonunda 2:5 hesabı ilə məğlub oldum. Çiynimdən aldığım zədə özünü göstərdi və ikinci raundda döyüşü davam etdirə bilmədim. Beləliklə də yalnız bürünc medalla kifayətlənməli oldum. Qeyd edim ki, Avropa çempionatında fransız boksçusu H.Belkura məğlubiyyətin acısını yaşatmışdım.
Xatırladaq ki, Şahin İmranovun qazandığı qələbə Azərbaycan boksçularının Pekin Olimpiadasında yeganə uğuru olmuşdur.
Bölmənin digər xəbərləri
