Şahmat üzrə dünya komanda çempionatı noyabrın sonunda Antalyada start götürür
Bakı, 18 noyabr (AZƏRTAC). Noyabrın 24-dən dekabrın 6-dək Antalyada şahmat üzrə dünya komanda çempionatı start götürəcəkdir. AZƏRTAC xəbər verir ki, bu turnirdə Azərbaycanı təmsil edəcək kişilərdən ibarət yığma komandanın tərkibi müəyyən olunmuşdur.
Turnir dairəvi sistemlə 9 turda keçiriləcəkdir. Qaydalara görə, püşkatma açılış mərasimində keçiriləcəkdir. Start nömrələri də elə həmin mərasimdə müəyyən olunacaqdır.
Turnirdə Şəhriyar Məmmədyarov, Teymur Rəcəbov, Eltac Səfərli, Qədir Hüseynov və Rauf Məmmədov iştirak edəcəklər. Komandanın kapitanı Aleksandr Xalifmandır.
Turnirdə Rusiya, Ukrayna, Hollandiya, Almaniya, ABŞ, Çin, Misir, Türkiyə və Ermənistan yığmaları iştirak edəcəklər.
Bölmənin digər xəbərləri
