ŞAHMATÇILARIN RESPUBLİKA ÇEMPİONATINDA 5 TUR KEÇİRİLMİŞDİR
AZƏRTAC Şahmat Federasiyasına istinadla xəbər verir ki, Respublika Şahmat Mərkəzində keçirilən şahmat üzrə ölkə komanda birinciliyində artıq 5 tur oynanılmışdır.
Turnirdə dairəvi sistem üzrə 8 komanda mübarizə aparır.
Beşinci turda aşağıdakı nəticələr qeydə alınmışdır: “Nəsimi İxtisaslaşmış Olimpiya Ehtiyatları İdman Məktəbi”- “Gəncə” 6:0, “Veteranlar ”- “Respublika Şahmat Məktəbi” 0,5:5,5, “Lənkəran” -“Makkabi” 3,5:2,5, “ Neftçi” -“Həmkarlar” 3:3.
Turnir cədvəlinə yenə də 23,5 xal toplamış “Nəsimi İxtisaslaşmış Olimpiya Ehtiyatları İdman Məktəbi”-nin komandası başçılıq edir. “Lənkəran” 21,5 xalla 2-ci, “Respublika Şahmat Məktəbi” isə 19 xalla 3-cü yerdə qərarlaşmışdır.
Bölmənin digər xəbərləri
