SALYANDA HƏR HEKTARDAN 33-34 SENTNER MƏHSUL YIĞILIR
AZƏRTAC xəbər verir ki, Salyanda 17 min 463 hektar taxıl sahəsinin biçilməsi üçün 60 kombayn hazırlanmışdır.
İlkin mərhələdə 3 min hektar arpa zəmisinin məhsulu toplanır. Hər hektarın orta məhsuldarlığı 33-34 sentner təşkil edir. Bu, ötənilki göstəricidən 5-6 sentner çoxdur. Ümumiyyətlə, bu il sahələrdən azı 65 min ton taxıl götürüləcəyi proqnozlaşdırılır. Məhsulun 10 min tona qədəri toxum üçün ayrılacaqdır.
Rayon icra hakimiyyəti zəmi-xırman konveyerinin ahəngdar işləməsi üçün bütün zəruri tədbirləri görür. “Aqrolizinq” Açıq Səhmdar Cəmiyyətinin yerli bölmələri səyyar texniki xidmət briqadaları yaratmışlar.
Bölmənin digər xəbərləri
