SAMBOÇUMUZ DÜNYA KUBOKUNA SAHİB OLDU
21 ölkənin idmançısının qatıldığı turnirdə Azərbaycan samboçuları baş məşqçi Mübariz İbrahimovun rəhbərliyi ilə bir qızıl, üç bürünc medal qazanmışlar.
Yığma komandamızın heyətində ən yüksək nəticəni Elçin Mayılov (57 kq) göstərmişdir. İlk üç görüşündə Rusiya, Bolqarıstan və Qırğızıstan idmançılarına qalib gələn həmyerlimiz, final qarşılaşmasında meydan sahibi Qazaxıstan təmsilçisini məğlub edərək dünya kubokunun qızıl medalına layiq görülmüşdür.
Yığmamızın digər üzvləri İslam Qasımov (52 kq), Mobil Hüseynov (68 kq), Nadir Məmmədli (82 kq) bürünc medallara sahib olmuşlar.
Qeyd edək ki, turnirdə ölkəmizi idmançılarla yanaşı, beynəlxalq dərəcəli hakim Cabir İsmayılov da təmsil etmişdir.
Bölmənin digər xəbərləri
