“SAMSUNQ” YENİ TEXNOLOGİYA TƏQDİM EDİR
Məişət, audio, video və kompüter texnikası sahəsində dünyada aparıcı şirkətlərdən biri olan “Samsunq Elektronics” şirkəti avqustun 6-da özünün yeni məhsulunun - ML-1200 lazer printerlərinin təkmilləşdirilmiş seriyasının və onun artıq məşhur olan ML-4500 modelini əvəz etmiş ML-1210 modelinin təqdimatını keçirmişdir.
“Samsunq Elektronics”in Azərbaycandakı rəsmi nümayəndəsi Casim Qasımov təqdimat mərasimində çıxış edərək bildirdi ki, öz məhsulunun keyfiyyətini daim yaxşılaşdırmağa səy göstərən şirkətin dünyanın 46 ölkəsində 53 ticarət nümayəndəliyi və 21 istehsal müəssisəsi vardır. İndi təqdim olunan ML-1210 lazer printeri yüksək keyfiyyətə və çap sürətinə malikdir. Ondan evdə və kiçik ofislərdə istifadə etmək mümkündür. Bu modelin daha bir üstünlüyü onun yığcamlığı və səssiz işləməsidir. Bundan əlavə, SRT (Samsunq Resolution Teshnoloqy) şirkətinin öz istehsalı olan bu printer sərfəli rejimdə işləyərkən 30 faiz tonerə qənaət etməyə imkan verir. Şirkətin istehlakçılarla daim əlaqə saxlayır və texnologiyanın təkmilləşdirilməsi prosesində onların arzusunu nəzərə alır.
Bölmənin digər xəbərləri
