SAMUX RAYONUNDA YENİ İSTEHSAL MÜƏSSİSƏSİ FƏALİYYƏTƏ BAŞLAMIŞDIR
Ümummilli liderimiz Heydər Əliyevin anadan olmasının 85 illiyi ərəfəsində Samux rayonunda yeni suxarı qablaşdırma müəssisəsi istifadəyə verilmişdir.
“Qoşqar” Məhdud Məsuliyyətli Cəmiyyətin nəzdində yaradılan müəssisədə Ukrayna və Almaniyadan gətirilmiş ən müasir avadanlıq quraşdırılmışdır ki, bu da sutkada 1 tondan artıq suxarı istehsal edib qablaşdırmağa imkan verəcəkdir.
Cəmiyyətin sədri Rahib İbrahimov AZƏRTAC-a bildirmişdir ki, müəssisədə 17 növ suxarı istehsal olunacaqdır. Hazırda burada 35 nəfər daimi işlə təmin edilmişdir. Yaxın bir neçə ayda istehsal sahəsini genişləndirmək və işçilərin sayını 50-yə çatdırmaq nəzərdə tutulmuşdur.
Bölmənin digər xəbərləri
