ŞANXAY ƏMƏKDAŞLIQ TƏŞKİLATI HÖKUMƏT BAŞÇILARININ İCLASI KEÇİRİLMİŞDİR

24.09.2004 [14:04]
Çap et
A⁺ A^-

AZƏRTAC-ın xüsusi müxbiri xəbər verir ki, Bişkek şəhərində Şanxay Əməkdaşlıq Təşkilatının (ŞƏT) üzvü olan dövlətlərin hökumət başçıları Şurasının iclası başa çatmışdır. Təşkilatın üzvü olan ölkələr – Qırğızıstan, Qazaxıstan, Çin Xalq Respublikası, Rusiya, Özbəkistan və Tacikistanın baş nazirləri iqtisadi sahədə əməkdaşlığın genişləndirilməsi, qurumun gələcək inkişaf perspektivlərini, beynəlxalq terrorizm və regional ekstremizmə qarşı birgə mübarizə, ŞƏT-in digər beynəlxalq təşkilatlarla əlaqəsinin genişləndirilməsi, nəqliyyat, humanitar sahədə əməkdaşlıq məsələlərini müzakirə etmişlər.

Qazaxıstanın baş naziri Danial Əhmətov bu təşkilat çərçivəsində Atasu-Alaşankou neft kəmərinin tikintisi, Omsk-Pavlodar-Çimkənd-Cərco kəmərində neft nəqlinin bərpa olunması, Çin Xalq Respublikasına neft göndərilməsi kimi layihələrin həyata keçirilməsini təklif etmişdir. O demişdir ki, Qazaxıstanın ŞƏT ölkələri ilə mal mübadiləsi 62 milyard dollar təşkil edir.

İclasda təşkilatın 2005-ci il üçün büdcəsi də bəyənilmişdir. İclasın yekunu ilə bağlı birgə bəyanat qəbul edilmişdir.

ŞANXAY ƏMƏKDAŞLIQ TƏŞKİLATI HÖKUMƏT BAŞÇILARININ İCLASI KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri