Şaxtalı hava şəraiti ilə əlaqədar yolların buz bağlaması ehtimalı var
Bakı, 5 dekabr, AZƏRTAC
Milli Hidrometeorologiya Xidmətinin dekabrın 5-i saat 12:00-a olan məlumatına əsasən, Daşkəsən, Gədəbəy, Naftalan, Gəncə, Şəmkir, Ağstafa, Balakən, Oğuz, Qəbələ, Zaqatala, Şəki, İsmayıllı, Şamaxı, Quba, Şabran, Tərtər, Yardımlıya qar yağır.
Xidmətdən AZƏRTAC-a verilən məlumata görə, havanın temperaturu Bakıda və Abşeron yarımadasında 4°-dək, Aran rayonlarında 3°-dək isti, dağlıq rayonlarda 5-8°, yüksək dağlıq ərazilərdə 11-13° şaxta qeydə alınıb.
Ölkə ərazisində müşahidə olunan soyuq, şaxtalı hava şəraiti ilə əlaqədar dağlıq rayonlarda yolların buz bağlaması ehtimalı var.
Bölmənin digər xəbərləri
