“Səbail” klubu “Qəbələ” ilə yoxlama oyunu keçirəcək
Bakı, 27 avqust, AZƏRTAC
Bakının “Səbail” futbol klubu millimizin UEFA Millətlər Liqasında oyunları ilə əlaqədar Premyer Liqada yaranan fasilədən istifadə edərək yoxlama görüşü keçirəcək.
AZƏRTAC xəbər verir ki, paytaxt təmsilçisi avqustun 30-da “Qəbələ” ilə qarşılaşacaq. Bakı Olimpiya Stadionunun ehtiyat meydançasında keçiriləcək görüş saat 17:00-da başlayacaq.
Qeyd edək ki, “Səbail” ölkə çempionatının ilk turunda səfərdə “Neftçi”yə 1:2 hesabı ilə uduzub. “Qəbələ” isə evdə “Zirə” ilə heç-heçə edib - 1:1.
Bölmənin digər xəbərləri
