Sədaqət Əbdürrəhmanova: Ölkəmizə sabitlik, iqtisadi inkişaf və uğurlar arzulayıram
Roma, 7 fevral, AZƏRTAC
“Gənclərin azad Azərbaycanın iqtisadi inkişafı uğrunda mübarizə aparmasını arzu edirəm”.
Bunu AZƏRTAC-a müsahibəsində Azərbaycan Texniki Universitetinin (AzTU) dosenti Sədaqət Əbdürrəhmanova deyib.
“Bu gün Azərbaycan prezidenti seçkiləri günüdür. Çox xoşdur ki, biz bu yaşa qədər həmişə prezident seçkilərində ölkəmizdə iştirak etmişik. Lakin hazırda İtaliyada səfərdə olduğum üçün Romadakı səfirliyimizdə yaradılan seçki məntəqəsində öz səsvermə hüququmdan istifadə etdim. Ölkəmizin iqtisadi inkişafı, 44 günlük Vətən müharibəsində qazandığımız Qələbə və bütöv Azərbaycan uğrunda aparılan mübarizə bizdə ölkəmizin
parlaq gələcəyinə əminliyi artırır”, - deyə o bildirib.
S.Əbdürrəhmanova qeyd edib ki, ölkəmizin siyasi sabitliyi, inkişafı dünya tərəfindən qəbul edilir və bütün dövlətlər Azərbaycanla hesablaşır: “Bu uğurların gələcək nəsillərə ötürülməsini, gənclərin azad Azərbaycanın iqtisadi inkişafı uğrunda mübarizə aparmasını arzu edirəm. Çünki ölkəmizin bu yüksək potensiala və səviyyəyə çatması çox uzun illər ərzindəki fəaliyyətin bəhrəsidir. Gələcək illər üçün ölkəmizə sabitlik, iqtisadi inkişaf və uğurlar arzulayıram”.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
